Зулын өдрлә, әрүн седкләсн йөрәҗәнәв!

Буур җил һарч, ботхн җил орҗ,

Һарчах җил кишгән үлдәтхә,

Орҗах җил өлзәһән хәәрлтхә.

Хан Теңгр хәәрлҗ,

Хамг бурхд евәҗ,

Зурһан зүүлин әмтн амулң эдлҗ,

Зункван гегәнә хәәрнд күртҗ,

Нутг-нурһн төвкнүн бәәҗ,

Нег-негнләрн ни-ниицңһү болҗ,

Дән даҗг уга,

Дәәвлх зовлң уга,

Ах дүүһәрн, элгн садарн

Амулң эдлҗ,

«Ях!» - гих өвчн уга,

«Йов!» - гих зарһ уга,

Төр шаҗн батрҗ,

Хальмг Таңһч өсҗ-өргҗ йовтха!

Арвн цаһань делгрҗ,

Арвн харнь буйсҗ,

Ут наста, бат кишгтә болтн.

Сансн санандан күрч,

Кесн көдлмштн уралан йовтха!

Кезәд чигн, тиигҗ

Байрлҗ-җирhҗ бәәхиг

Олн Деедс Бурхд өршәтхә!